Shefi i Shtabit të Përgjithshëm të FARSH (Forcat e Armatosura të Republikës së Shqipërisë), gjenerallejtnant Arben Kingji, i shoqëruar nga një delegacion i FA, zhvilloi një vizitë zyrtare në Ankara, Turqi, me ftesë të homologut të tij, gjeneral Metin Gürak.

Sipas Ministrisë së Mbrojtjes gjenerallejtnant Kingji vendosi kurorë në Memorialin Mauzole në nderim të Mustafa Kemal Ataturk dhe u prit me nderimet më të larta ushtarake.

Ministria e Mbrojtjes bën me dije se në takimin me gjeneral Gürak u theksua bashkëpunimi i shkëlqyer në fushën e Mbrojtjes dhe mbështetja e Turqisë në përpjekjet për modernizimin e Forcave të Armatosura të Shqipërisë.

“Gjenerallejtënant Kingji e vlerësoi rolin e Turqisë për stabilitetin rajonal dhe kontributin në misionet ndërkombëtare, ndërsa mori edhe vlerësime për rolin konstruktiv që Shqipëria luan për sigurinë dhe stabilitetin rajonal”, njofton ministria e Mbrojtjes.

(ATSH)