“Empowering the Next Generation” një seminar mbi edukimin financiar, i organizuar me Bankën e Shqipërisë, Ministrinë e Arsimit, Ministrinë e Sipërmarrjes dhe partnerë të tjerë, kishte në fokus sensibilizimin e të rinjve mbi thellimin e njohurive në sektorin bankar dhe financat personale.

Ministrja e Shtetit për Sipërmarrjen dhe Klimën e Biznesit, Delina Ibrahimaj tha se, edukimi financiar është themeli për një të ardhme të qëndrueshme dhe përgatitjen e brezit të ri si lider të ekonomisë dhe sipërmarrjes”.

Për këtë, theksoi ministrja, kemi ndërmarrë disa iniciativa konkrete, si programet e mentorimit me ekspertë ndërkombëtarë, workshope dhe trajnime për zhvillimin e aftësive në biznes, dhe mbështetje për startup-et përmes Granteve, duke ofruar akses në financim.

“Mbështetja jonë do të vazhdojë, duke ofruar mundësi dhe burime për të rinjtë, që të ndërtojnë një të ardhme dhe të ndikojnë pozitivisht në zhvillimin e ekonomisë së Shqipërisë”, u shpreh Ibrahimaj.

(ATSH)