Kryeministri Edi Rama mori pjesë sot në punimet e Samitit të katërt të Komunitetit Politik Evropian që u zhvillua në Britaninë e Madhe.

Rama ndau në rrjetet sociale fotoalbumin e takimit të Komunitetit Politik Europian mes liderëve të BE-së.

Në këtë samit u organizua një pritje për liderët nga mbreti Çarls III dhe kryeministri i Mbretërisë së Bashkuar, Keir Starmer.

Gjithashtu, u organizuan edhe dy tryeza të rrumbullakëta: një për emigracionin e paligjshëm që u bashkëdrejtua nga Giorgia Meloni dhe kryeministri Rama; një tjetër për mbrojtjen dhe sigurimin e demokracisë, që u bashkëkryesua nga presidenti Charles Michel dhe presidenti malazez Jakov Milatoviç.

Kryeministri Rama zhvilloi po ashtu edhe një takim me kryeministrin e sapozgjedhur britanik, Keir Starmer.