Kryeministri Edi Rama mbërrin në sallën “Christmas Theater” në stadiumin ‘Galatsi’ në Athinë, ku janë mbledhur mijëra shqiptarë.

Takimi nisi me himnin kombëtar dhe himnin e BE-së.

“Krenar për Shqipërinë, krenar për shqiptarët”, shprehet Rama, ndërsa ka ndarë në rrjetet sociale edhe momente nga mbërritja e tij në stadiumin “Galatsi” në Athinë.

Në takimin e parë me diasporën shqiptare në Athinë, Rama është i shoqëruar nga bashkëshortja Linda Rama dhe ministra të kabinetit qeveritar.

Mijëra shqiptarë kanë mbushur stadiumin “Galatsi” në Athinë për takimin me kreun e qeverisë shqiptare Edi Rama.

“Krenar për shqiptarët e Greqisë, Krenar për Shqipërinë. Ndalesa e parë e rrugëtimit në komunitetet shqiptare të Europës për “Shqipërinë 2030”, shkruan Rama krahas videos së postuar në rrjetet sociale.