Ministri për Evropën dhe Punët e Jashtme, Igli Hasani zhvilloi sot një takim me homologun spanjoll, Jose Manuel Albares, në margjinat e Këshillit të Punëve të Jashtme të Bashkimit Evropian, në Bruksel.

Hasani falënderoi ministrin Albares për mbështetjen e Spanjës dhe Presidencës së Këshillit të BE për avancimin e Shqipërisë dhe Ballkanit Perëndimor në rrugën e integrimit evropian.

“Në pritje të hapjes së grupit të çështjeve themelore në kuadër të Konferencës së Dytë Ndërqeveritare Shqipëri-BE që presim të mbahet sa më shpejt”, u shpreh Hasani.

Spanja është vendi që mban aktualisht Presidencën e Këshillit të BE.