Komisionerja për Mbrojtjen nga Diskriminimi, Genta Tafa zhvilloi sot një takim kortezie me Koordinatoren e Përhershme të Kombeve të Bashkuara në Shqipëri, Ingrid Macdonald.

Takimi u zhvillua në kuadër të bashkëpunimit ndërinstitucional në të cilin Tafa dhe Macdonald shkëmbyen pikëpamjet institucionale mbi çështje me interes të përbashkët në fushën e të drejtave të njeriut, promovimit të barazisë dhe mbrojtjes nga diskriminimi.

Sipas njoftimit të KMD-së, në fokus të diskutimeve ishte bashkëpunimi ndërmjet institucioneve për mbrojtjen e barazisë dhe parandalimin e diskriminimit, si dhe mundësitë për forcimin e mëtejshëm të këtij bashkëpunimi, me synim avancimin e përpjekjeve të përbashkëta për garantimin e trajtimit të barabartë dhe respektimin e të drejtave të njeriut.

Për Komisionerin për Mbrojtjen nga Diskriminimi, ky takim përbën një mundësi të rëndësishme për forcimin e dialogut dhe bashkëpunimit me Kombet e Bashkuara në Shqipëri, në funksion të përmbushjes së misionit institucional për garantimin e barazisë, parandalimin e diskriminimit dhe mbrojtjen e të drejtave të njeriut.

Burimi ATSH