Nikolla në Gjermani: Bashkëpunimi dypalësh po intensifikohet dhe në kuadër të Procesit të Berlinit

Kryetarja e Kuvendit Lindita Nikolla u prit në një takim nga presidenti i Parlamentit të Landit të North Rhine-Westphalia, NRW, André Kuper.


Kryetarja e Kuvendit Lindita Nikolla, e cila po zhvillon një vizitë zyrtare në Gjermani, u prit në një takim nga presidenti i Parlamentit të Landit të North Rhine-Westphalia, NRW, André Kuper.

“Bashkëpunimi i shkëlqyer politik mes Shqipërisë dhe Gjermanisë po decentralizohet edhe me bashkëpunimin me Landet”, bëri të ditur Nikolla.

Sipas saj, bashkëpunimi me Landin NRW, një nga rajonet më të fuqishme ekonomike në Gjermani dhe Europë është një vlerë e shtuar për Shqipërinë.

Nikolla mori mbështetje për bashkëpunim midis komisioneve parlamentare dhe deputetëve, sidomos deputetëve të rinj, me fokus konsolidimin e demokracisë.

“E lumtur të dëgjoja nga presidenti Kuper propozimin që Kuvendi dhe Landtagu NRW të ndërtojnë një proces bashkëpunimi midis komisioneve parlamentare dhe deputetëve, sidomos deputetëve të rinj, me fokus konsolidimin e demokracisë dhe edukimin demokratik të rinisë dhe qytetarëve, nëpërmjet programeve që po zbatojnë në Landtag dhe në shkolla”, deklaroi kryeparlamentarja.

Po ashtu, kryeparlamentarja vuri në dukje se gjatë takimit u diskutua për mundësitë e gjera të bashkëpunimit dhe në sektorë si shërbimet e transportit, infrastruktura, industria, turizmi, arsimi, SME-të etj.

“Kuvendi dhe Parlamenti i Landit NRW do të nxisin e mbështesin këtë bashkëpunim. Bashkëpunimi dypalësh po intensifikohet edhe në kuadrin e Procesit të Berlinit dhe samiti që do të mbahet më 16 tetor, në Tiranë, është një ngjarje historike për europianizimin e rajonit, por edhe për bashkëpunimin dypalësh”, theksoi më tej Nikolla.

Ajo informoi se gjatë vizitës në sallën e seancave plenare të Lantagut, bashkë me presidentin Kuper, u takua dhe bisedoi me një grup nxënësish, mes të cilëve dy vajza nga Kosova.

Kryetarja e Kuvendit ftoi presidentin Kuper për të vizituar Kuvendin e Shqipërisë.

Lexo më shumë nga

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.