Presidentja e Kosovës, Vjosa Osmani vizitoi sot qytetin e Durrësit.

Osmani u takua me kryetaren e bashkisë së Durrësit, Emiriana Sako, si dhe zhvilloi një vizitë në portin e Durrësit dhe Torrën Veneciane.

“Nga Tirana fantastike e Berati magjepsës, vazhduam në Durrës një nga qytetet më të lashta dhe më të rëndësishme të turizmit të Shqipërisë. Diskutime me kryetaren Emiriana Sako, vizitë në Portin e Durrësit dhe Pikën Doganore të Kosovës dhe përmbyllje e vizitës tek “Torra Veneciane” që ofron një përvojë të jashtëzakonshme”, tha Osmani në një postim në rrjetet sociale.

Presidentja e Kosovës, Vjosa Osmani zhvilloi një vizitë shtetërore dyditore në Shqipëri, ku zhvilloi takime me Presidentin Bajram Begaj, Kryeministrin Edi Rama, kryetarja e Kuvendit, Lindita Nikolla, si dhe vizitoi qytetin e Beratit ku kryetari i bashkisë, Ervin Demo i ka akorduar titullin “Patroni i Kalasë”, më i larti që jep ky qytet.