Ambasada e Italisë në Tiranë kremtoi mbrëmjen e sotme në Sheshin Italia, lindjen e Republikës së Italisë duke përqafuar qytetin e Tiranës dhe popullin shqiptar me një mbrëmje tringjyrëshe të paharrueshme me protagonistë kulturën, spektaklin dhe gastronominë.

Të pranishëm në këtë event, ishin, Presidenti i Republikës, Bjaram Begaj, kryeministri Edi Rama, ministrja për Evropën dhe Punët e Jashtme Olta Xhaçka, kryebashkiaku i Tiranës, Erion Veliaj, deputetë të Kuvendit si dhe drejtues të institucioneve të ndryshme, personalitete të politikës, artit, kulturës dhe biznesit.

Eventi u hap me kremtimet zyrtare të lindjes së Republikës, me fjalën përshëndetëse të mbajtur nga Ambasadori i Italisë, Fabrizio Bucci dhe me interpretimin e himneve kombëtare nga një bandë muzikore.

Në vijim, pas suksesit të madh të arritur në edicionin e vitit 2022, një hapësirë e madhe iu kushtua kuzhinës italiane me edicionin 2023 të Pizza Village, event gastronomik gjatë të cilit mjeshtrat italianë të picës u ofruan banorëve të Tiranës një nga pjatat simbol të Italisë në botë.

Mbrëmja u mbyll me koncertin “Sanremo është Sanremo”, event që risjell historinë e Festivalit të Sanremos përmes këngëve – simbol të muzikës italiane.