Kryetari i Komisionit të Rithemelimit të PD-së, Sali Berisha deklaroi sot pas takimit me shefen e Misionit të ODIHR, Audrey Glover se kanë dështuar përpjekjet për ta lënë vendin pa opozitë.

Ai tha se gjatë takimit paraqitëm të gjithë problematikën që e konsiderojmë shumë të rëndësishme për një proces zgjedhor normal.

“Pata një takim me Shefen e Misionit të ODIHR, zonjën Gover ku i paraqita për dështimin e përpjekjeve për ta lënë vendin pa opozitë, vendosmërinë e PD për të çuar përpara procesin elektoral sikurse e kemi shprehur para shqiptarëve.

Mendoj se zonja Glover ishte tek ne një takim për t’u informuar mbi pikëpamjet, faktet dhe zhvillimet sipas PD të këtyre zgjedhjeve në Shqipëri.

Ne paraqitëm të gjithë problematikën që e konsiderojmë shumë të rëndësishme për një proces zgjedhor normal”, tha Berisha. /ATSH