Komisioni Rregullator miratoi llojin e të dhënave që transmetohen nga Pajisja Elektronike e Identifikimit drejt infrastrukturës së teknologjisë së informacionit (TIK) të KQZ dhe rregullat për mënyrën e transmetimit të tyre.
Vendimi përcaktoi në mënyrë të detajuar llojin e të dhënave që transmeton PEI dhe rregullat për mënyrën transmetimit të tyre.
Transmetimi i të dhënave do të bëhet në mënyrë periodike, vetëm me një kah, dhe metoda e menanxhimit të informacionit në pajisje është vetëm lexim, çka e bën të pamundur të modifikohet informacioni në pajisje/të manipulohen të dhënat në të.
Risia e vendimit të miratuar sot është disponimi i informacionit rreth pjesëmarrjes së zgjedhësve në mënyrë më të saktë, të plotë dhe të shpejtë në rang vendi, në raport me metodën klasike të kampionimit të përdorur deri më sot nga KQZ-ja.
