Zjarrfikësit turq, të cilët zhvilluan operacione kërkim-shpëtimi në Gaziantep, kanë gjetur në rrënoja rreth dy milionë dollarë dhe i dërguan ato para policisë.

Ekipet e Departamentit të Zjarrfikësve të Bashkisë Metropolitane të Gaziantepit, duke kryer operacione të kërkim-shpëtimit në disa objekte të shembura në Ayşe-Mehmet Polat në Gaziantep, gjetën disa para pranë një personi që nxorën nga rrënojat.

Që në momentin që nisën të nxjerrin paratë, skuadrat morën disa pamje me kamerat e celularëve të tyre dhe i futën tufat e parave në një valixhe të zezë.

Zjarrfikësit, të shoqëruar nga skuadrat e operacioneve speciale, i dorëzuan paratë pranë autoriteteve policore.

Shefi i ndërhyrjes, Galip Durdu, i cili nxori paratë, deklaroi se fillimisht u përpoqën të nxirrnin njerëzit të gjallë nga rrënojat dhe ky ishte prioriteti i tyre.

Duke u shprehur se kanë hasur shumë në incidente të tilla, Durdu tha: “I kemi dorëzuar veshjet dhe objektet e qytetarëve që ndodheshin nën rrënoja, pasi shpëtuam fillimisht jetët e njerëzve. Në fakt është një ngjarje e zakonshme që ne të gjejmë para gjatë operacioneve”, tha ai.