Ibrahimaj: Reforma e pensioneve në fazë analize disamujore, indeksimi i ri në korrik

Ministrja e Ekonomisë dhe Inovacionit, Delina Ibrahimaj deklaroi sot se reforma e pensioneve po kalon një fazë analize disamujore nga institucioni që ajo drejton.


Ministrja e Ekonomisë dhe Inovacionit, Delina Ibrahimaj deklaroi sot se reforma e pensioneve po kalon një fazë analize disamujore nga institucioni që ajo drejton.

E pyetur në një konferencë për medie, Ibrahimaj tha se Ministria e Ekonomisë dhe Inovacionit po kryen një analizë disa mujore mbi këtë reformë.

Sipas saj, këtë javë po zhvillohen diskutime intensive me ekspertë të Bankës Botërore, të cilët po mbështesin hartimin e reformës së pensioneve, ndërsa brenda muajit shtator pritet të bëhen të ditur të gjithë komponentët e ndërhyrjes, me qëllim garantimin e qëndrueshmërisë së skemës së pensioneve në të ardhmen.

E pyetur lidhur me indeksimin e pensioneve, ministrja tha se në mbledhjen e fundit të Këshillit të Ministrave është miratuar indeksimi i pensioneve, i cili, sipas saj, nuk do të kryhet më në tetor, por në korrik.

Ajo bëri të ditur se norma e rritjes së çmimeve për shportën e pensionistëve ka rezultuar 2,7%.

“Ne kemi treguar se gjatë përballimit të krizave kemi pasur një vëmendje të shtuar ndaj grupeve të popullsisë që nuk mund t’i përballojnë rritjet e çmimeve”, u shpreh Ibrahimaj.

Ministrja theksoi se inflacioni aktual ndodhet në nivelin rreth 3%, brenda objektivit të Bankës së Shqipërisë, duke shtuar se nuk konsiderohet një situatë problematike për ekonominë.

Megjithatë, ajo nënvizoi se në çdo moment kur treguesit ekonomikë do të tregojnë rritje të çmimeve përtej nivelit të përballueshëm për pensionistët dhe shtresat në nevojë, qeveria do të marrë masat e nevojshme për mbështetjen e tyre.

Ibrahimaj shtoi se synimi i qeverisë është që rritja ekonomike të prekë të gjitha kategoritë dhe që rishpërndarja e të ardhurave dhe përfitimeve të saj të shkojë veçanërisht për pensionistët, përmes politikave të ndërmarra për rritjen e të ardhurave të tyre.

Burimi ATSH

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…