Ministri i Punëve të Brendshme, Besfort Lamallari priti sot në një takim përfaqësues të Zyrës së Kombeve të Bashkuara për Drogën dhe Krimin (UNODC).

Gjatë takimit u rikonfirmua edhe njëherë rëndësia e bashkëpunimit të ngushtë në luftën kundër krimit të organizuar, korrupsionit, trafiqeve të paligjshme, drogës dhe në parandalimin e terrorizmit.

“Jemi në rrugë të mbarë për të finalizuar forcimin e prezencës së kësaj zyre në vendin tonë në kuadër të Programit Rajonal për Evropën Juglindore 2024–2029, që do të rrisë bashkëpunimin me institucionet shqiptare dhe zhvillimin e projekteve të përbashkëta”, u shpreh Lamallari pas takimit.

Ai informoi se në takim u diskutua po ashtu edhe propozimi për mundësinë e ngritjes së një postacioni në Aeroportin e Tiranës për menaxhimin më efektiv të migracionit.

“Me interes të lartë për ne është gjithashtu mundësia e angazhimit të UNODC edhe në Qendrën për Rehabilitimin e të Miturve, një projekt që synon riintegrimin e tyre në shoqëri dhe që pritet të shërbejë si një model pozitiv për të gjithë rajoni”, shtoi Lamallari.