Presidentja e Komisionit Evropian, Ursula von der Leyen, vizitoi sot shkollën “Emin Duraku”, një prej institucioneve arsimore të rindërtuara përmes programit “EU4Schools”, pas tërmetit shkatërrues të vitit 2019.

Përmes një postimi në rrjetin social X, von der Leyen u shpreh se Evropa qëndroi në krah të Shqipërisë pas tërmetit dhe vijon të jetë pranë saj.

“Kur Shqipëria u godit nga tërmeti shkatërrues i vitit 2019, Evropa qëndroi në krah të saj. Dhe vazhdon të jetë pranë jush edhe sot”, shkroi ajo.

Von der Leyen e cilësoi programin “EU4Schools” si një shembull konkret të solidaritetit evropian, duke theksuar se përmes tij janë rindërtuar 63 shkolla.

“Shkolla si ‘Emin Duraku’, të cilën kam kënaqësinë ta vizitoj sot”, shkroi Presidentja e Komisionit Evropian.

Burimi ATSH