Kryetari i Kuvendit, Niko Peleshi zhvilloi sot një takim me presidentin e Letonisë, Edgars Rinkēvičs.

Sipas njoftimit, në fokus të takimit ishin diskutimet për marrëdhëniet e shkëlqyera mes dy vendeve të ndërtuara mbi besimin, solidaritetin dhe vizionin e përbashkët europian e euroatlantik.

“Mirënjohje për mbështetjen e vazhdueshme dhe të palëkundur të Letonisë për anëtarësimin e Shqipërisë në Bashkimin Europian dhe bindjen e përbashkët se zgjerimi i BE-së është një investim strategjik për sigurinë, stabilitetin dhe të ardhmen e Europës”, tha Peleshi.

Një tjetër fokus i bisedës me Presidentin e Letonisë, sipas Peleshit, ishte edhe bashkëpunimi në kuadër të NATO-s dhe samiti i vitit 2027 në Tiranë, mbështetja e palëkundur për Ukrainën si dhe vullneti i përbashkët për të përballuar sfidat e sigurisë me të cilat përballet Europa.

Marrë nga ATSH