Ambasadori i ri i Shqipërisë në Zvicër, Ermal Dredha, i dorëzoi dje Letrat Kredenciale Presidentit të Konfederatës së Zvicrës, z. Guy Parmelin.

Gjatë takimit i vlerësuanmarrëdhëniet shumë të mira mes Shqipërisë dhe Zvicrës, si dhe diskutuam për forcimin e mëtejshëm të bashkëpunimit.

“🇦🇱🇨🇭 Një moment i veçantë dje në Bernë 🇨🇭, pasi pata nderin dhe kënaqësinë të dorëzoj Letrat Kredenciale Presidentit të Konfederatës së Zvicrës, z. Guy Parmelin.

Gjatë takimit, vlerësuam marrëdhëniet shumë të mira mes Shqipërisë dhe Zvicrës, si dhe diskutuam për forcimin e mëtejshëm të bashkëpunimit, veçanërisht, në shkëmbimin e vizitave të nivelit të lartë, diplomacinë ekonomike, investimet në energjinë e pastër dhe rolin e rëndësishëm të diasporës shqiptare në Zvicër.

Presidenti Parmelin vlerësoi progresin e Shqipërisë në reformat drejt integrimit evropian, duke theksuar edhe kontributin e vazhdueshëm të Zvicrës në këtë proces.

I angazhuar për të çuar përpara dhe thelluar më tej këto marrëdhënie të shkëlqyera mes dy vendeve tona. 🇦🇱🫱🏻‍🫲🏼🇨🇭”, shkruan ambasadori Dredha, në rrjetet sociale.