Kryeministri Edi Rama zhvilloi sot në Vlorë një bashkëbisedim me operatorët turistikë mbi sezonin turistik, rritjen e cilësisë së shërbimeve, mbështetjen për sipërmarrësit e turizmit dhe promovimin e Vlorës si një portë e rëndësishme e turizmit shqiptar në qendër të vëmendjes globale.

Në fjalën e tij, Rama theksoi se sezoni turistik bregdetar duhet të zgjatet edhe në vjeshtë, ndërsa nënvizoi se kërkesa për investime është e lartë dhe vijon në rritje.

“Shqipëria do të ketë mundësi të tërheqë më shumë vizitorë edhe jashtë sezonit, në vjeshtë, nëse do të jetë e përgatitur për këtë. Ne e shohim këtë edhe në aspektin e interesimit për investime, i cili në këto muaj ka shënuar rritje. Besoj se duhet ta shfrytëzojmë këtë situatë”, tha ai.

Rama u bëri thirrje operatorëve turistikë të hartojnë një plan afatmesëm për ofertën e tyre, duke mos u fokusuar vetëm te fitimet afatshkurtra, por duke ndërtuar një vizion që u shërben edhe gjeneratave të ardhshme.

“Natyrisht, mund të flasim me orë të tëra për zhvillimet pozitive, por jemi këtu edhe për të folur për ato që nuk kanë ecur si duhet. Njerëzit vijnë me një ide të caktuar dhe, nëse këtu gjejnë arsye për të qenë të pakënaqur, jo vetëm që nuk kthehen më, por kjo mund të kthehet në bumerang”, u shpreh Rama.

Duke iu referuar çmimeve, kryeministri tha se kjo çështje është zgjidhur prej kohësh.

“Pjesë e kësaj zgjedhjeje është fakti që çmimet nuk i vendos qeveria dhe se qeveritë nuk kanë asnjë instrument për t’i kontrolluar apo imponuar ato. Çmimet i vendos tregu. Në rastin e kësaj industrie, ato duhet t’i udhëheqë vizioni strategjik i investitorëve për fatin e investimeve të tyre.

Nëse po bëni investime masive dhe ambicioze, duke synuar struktura të një niveli më të lartë, duhet të keni parasysh se hoteleria kërkon investime të mëdha dhe kthim të ngadaltë. Duhet durim dhe një plan i qartë për të ardhmen e këtyre investimeve.

Në fund të ditës, kush vjen për turizëm apo hyn në një restorant, vendos vetë. Qëllimi është të lexojmë çfarë u ka ndodhur të tjerëve, nukështë diçka që e parashikojmë në hava. Në momentin kur befas janë gjendur përpara rezultati të hapjes dhe të transforimimit të një destinacion të kërkuar janë “dehur” dhe kanë vepruar si të “dehur”, duke ofruar shërbime të dobta dhe duke vendosur çmime të larta.

Dhe si rezultat i fluskit që ju është gjendur përpara kanë patur mëndjen e ngushtë, duke menduar që njerëzit 12 milionë apo 15 milionë do t’i kenë aty dhe kanë nisur të investojnë për më shumë, duke kërkuar të fitojnë më shumë në ato moment, por në fund i kanë ngelur në derë investimet sepse nuk i kanë ardhur më njerëzit.

“Nëse Vlora do të marri njollën e vendit që ti paguan më shumë se çfarë të ofrohet dhe ku ti paguan më shumë se çfarë mund të paguash duke shkuar në Greqi apo Kroaci e Turqu, ju i keni bërë gropën vetes. Po flas për gropën e investimeve. Është kaq e thjeshtë. Duhet një strategji afatgjatë, ose afatmesme të paktën, sesi juve do të merrni një fitim të arsyeshëm dhe jo fitim që realisht do të mund ta merrni në atë moment sepse mund tu kthehet në bumerang.

Ju e dini vetë, bëni si të doni, pasi qeveria nuk i vendos çmimet. Unë po ndaj disa të vërteta si dikush që e do këtë qytet. Dua që ajo që mbjellim sot, ta korrim jo vetëm për një sezon, por për gjenerata”, përfundoi Rama.

Burimi ATSH