Edicioni VI i Forumit Kombëtar “Djem dhe Burra që Frymëzojnë”, u mbajt ditën e sotme në Tiranë.

Ministria e Shëndetësisë dhe Mirëqenies Sociale, e cilëson këtë si një platformë që është konsoliduar si një hapësirë e rëndësishme kombëtare për dialog, reflektim dhe veprim në mbështetje të barazisë gjinore dhe parandalimit të dhunës me bazë gjinore.

E pranishme në këtë aktivitet, zëvendësministrja e MSHMS, Denada Seferi theksoi se barazia gjinore nuk është një çështje që i përket vetëm grave dhe vajzave, por ajo është një përgjegjësi e përbashkët.

“Burrat dhe djemtë duhet të jenë pjesë aktive e zgjidhjes si partnerë, si aleatë dhe si aktorë të ndryshimit në familje, në komunitet dhe në shoqëri”, tha Seferi.

Forumi u realizua si bashkëpunim midis Ministrisë së Shëndetësisë dhe Mirëqenies Sociale me UNFPA Shqipëri dhe Rrjetin e Organizatave “Zëri i të rinjve”, si dhe nga qeveria e Italisë përmes Agjencisë Italiane për Bashkëpunim.

Burimi ATSH