Qendra për Zbatimin e Ligjit në Evropën Juglindore (SELEC) vlerësoi Administratën Doganore Shqiptare me çmimin e vendit të parë për këtë vit, duke theksuar bashkëpunimin e suksesshëm ndërkufitar dhe shkëmbimin efektiv të informacionit mes autoriteteve doganore.

Ky vlerësim pasqyron rolin aktiv të Doganave Shqiptare në luftën kundër krimit të organizuar dhe menaxhimin profesional të hetimeve të përbashkëta.

Hetimi i përbashkët Shqipëri–Turqi u fokusua në goditjen e trafikut të prekursorëve të drogës, duke rezultuar në sekuestrimin e një sasie të madhe barnash që përmbanin pseudoefedrinë.

“Në njohje të përpjekjeve të rëndësishme dhe punës së palodhur në luftën kundër krimit të organizuar ndërkufitar në Evropën Juglindore, SELEC vlerësoi disa hetime të përbashkëta të suksesshme – në lidhje me transportin e paligjshëm të prekursorëve të drogës, trafikimin e drogës, imigracionin e paligjshëm, mashtrimin, zhvatjen dhe pastrimin e parave”, citohet SELEC.

Marrë nga ATSH