Korporata Elektroenergjetike Shqiptare (KESh) bëri të ditur sot se prodhimi ditor në tre HEC-et e kaskadës së lumit Drinit është 26.000 MWh, ndërkohë që vijojnë shkarkimet nga HEC-et e Komanit, Fierzës dhe Vaut të Dejës.

Sipas KESH, nivelet në liqenet e kaskadës së Drinit janë: HEC-i i Fierzës 292,6 mmnd; HEC-i i Komanit 171,6 mmnd; HEC i Vaut të Dejës 74,8 mmnd.

Prurjet natyrore në hidrocetralin e Fierzës janë 650 m3/s; në Koman 300 m3/s dhe në atë të Vaut të Dejës 120 m3/s.

Ndërsa shkarkimet nga HEC-i i Fierzës shënojnë 300 m3/s; nga HEC-i i Komanit 600 m3/s dhe nga HEC-i i Vaut të Dejës 700 m3/s.

Burimi ATSH