Demo: Autonomia e pushtetit vendor merr kuptim me kapacitetet për të gjeneruar të ardhura

Ministri i Shtetit për Pushtetin Vendor, Ervin Demo e cilësoi si një ditë të rëndësishme për bashkitë takimin e zhvilluar sot në Tiranë, gjatë prezantimit të reformës së taksës mbi pasurinë e paluajtshme në Shqipëri.


Ministri i Shtetit për Pushtetin Vendor, Ervin Demo e cilësoi si një ditë të rëndësishme për bashkitë takimin e zhvilluar sot në Tiranë, gjatë prezantimit të reformës së taksës mbi pasurinë e paluajtshme në Shqipëri.

Reforma synon të krijojë një sistem modern dhe të unifikuar të taksimit të pronës, të bazuar në vlerën e tregut, duke forcuar njëkohësisht rolin e bashkive në mbledhjen e të ardhurave.

Demo u shpreh se ky proces ka qenë një rrugëtim i gjatë dhe falënderoi partneritetin suedez dhe Ministrinë e Financave për drejtimin e reformës, e cila pritet të zbatohet në vitin 2026. Sipas tij, kjo reformë e afron Shqipërinë me standardet e Bashkimit Europian.

Ai vuri në dukje se bashkitë luajnë një rol kryesor në gjenerimin e të ardhurave, duke garantuar financa të qëndrueshme dhe më shumë shërbime për qytetarët.

Ministri theksoi se autonomia e pushtetit vendor nuk mund të kuptohet pa fuqizimin e kapaciteteve për të gjeneruar të ardhura, dhe në këtë drejtim taksës së pasurisë i jepet përparësi.

Sipas tij, kryetarët e bashkive e kanë mirëpritur këtë nismë si një mundësi për të rritur potencialin financiar të njësive vendore.

“Buxheti 2026 reflekton rritje të të ardhurave nga zbatimi i taksës së pronësisë dhe këto të ardhura do të shkojnë për më shumë shërbime ndaj qytetarëve, duke ndërtuar një sistem transparent dhe korrekt”, tha Demo.

Ai theksoi se sistemi i ri do të sigurojë trajtim të barabartë të qytetarëve, pavarësisht madhësisë së bashkisë ku jetojnë.

Demo nënvizoi se një nga shtyllat e pushtetit vendor mbetet qëndrueshmëria financiare, e cila do të mbështetet nga disa iniciativa të rëndësishme të vitit 2026: Taksimi i ri i pasurisë,
Reforma territoriale, Digjitalizimi i shërbimeve vendore.

Ministri shprehu bindjen se harta e re territoriale dhe sistemi i ri i taksimit do të ofrojnë më shumë shërbime dhe efikasitet për qytetarët, ndërsa bashkitë do të kenë më shumë kapacitete për të garantuar zhvillim të qëndrueshëm financiar në territoret e tyre.

/Marrë nga ATSH

Begaj pret përfaqësues të Dhomës së Tregtisë dhe Industrisë Shqipëri–Turqi: Forcim i bashkëpunimit ekonomik

Presidenti Bajram Begaj priti sot në një takim përfaqësuesit e Bordit Drejtues të Dhomës së Tregtisë dhe Industrisë Shqipëri–Turqi.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Begaj pret përfaqësues të Dhomës së Tregtisë dhe Industrisë Shqipëri–Turqi: Forcim i bashkëpunimit ekonomik

Presidenti Bajram Begaj priti sot në një takim përfaqësuesit e Bordit Drejtues të Dhomës së Tregtisë dhe Industrisë Shqipëri–Turqi.