Peshëngritësja 17-vjeçare Enkileda Carja vijon të bëhet krenari për Shqipërinë.

Pas triumfit në Evropianin e të rinjve në Durrës, ku fitoi 3 medalje ari, ajo shkëlqeu edhe në Lojërat e Solidaritetit Islamik, duke fituar 2 medalje argjendi dhe vendosur dy rekorde botërore.

Në kategorinë 63 kilogramë, Carja ngriti 97 kg në shkëputje, dhe 116 kg në shtytje, të dyja duke shënuar rekorde botërore për të reja.

Ndërkaq, në fund të tetorit, në Kampionatin Evropian të Peshëngritjes që u zhvillua në Durrës, peshëngritësja theu 6 rekorde europiane dhe fituar 3 medalje ari.

Carja theu 3 rekorde evropiane në stilin e shkëputjes (95kg, 97kg dhe 98kg) dhe fitoi medaljen e artë në kategorinë 63 kg.

Gjithashtu, në stilin e shtytjes, Carja theu 3 rekorde të tjera, (113kg, 116kg, 118kg), duke fituar me dalje ari në shtytje dhe në dygarësh.

Ky sukses i ri vërteton talentin e jashtëzakonshëm të Enkiledës dhe vendos Shqipërinë në hartën ndërkombëtare të peshëngritjes.

Burimi ATSH