“Në selinë e kompanisë sonë në Gjermani, kolegët e mi kanë një shprehje që tregu kinez është i pazëvendësueshëm dhe konsiderohet si ‘palestër e kompanisë'”, tha zv.presidentja ekzekutive e kompanisë gjermane “ZF Friedrichshafen AG”, Wang Runyi, gjatë një interviste për Grupin Mediatik të Kinës (CMG) në Panairin e 25-të Ndërkombëtar të Investimeve dhe të Tregtisë të Kinës, që po zhvillohet në Xiamen të Kinës Juglindore.

Pse ata thonë kështu? Wang Runyi shpjegoi se klientët në tregun kinez nuk janë konservatorë dhe kanë dëshirë të provojnë teknologji të reja, edhe pse mund të dështojnë. Nga këndvështrimi i mjedisit për zhvillimin teknologjik, tregu kinez ka një tolerancë të madhe.

Znj. Wang është e mendimit se mjedisi kinez për sipërmarrjen inkurajohet nga qeveria, dhe administrata e niveleve të ndryshme është gjithnjë e më efektive në punë, si edhe e ndershme. Këto janë epërsitë e veçanta të Kinës.

Sipas saj, në të ardhmen ZF-ja pritet ta ndryshojë traditën e vendosjes së qendrave kërkimore në Evropë e në Amerikën Veriore, sepse qendra e ardhshme e kërkim-zhvillimit do të jetë patjetër në Kinë.

Wang vuri në dukje: “Tregu kinez është i pazëvendësueshëm. Vetëm po të kemi forcë konkurruese në tregun kinez, do të jemi konkurrues edhe në tregjet evropiane dhe amerikanoveriore.”

Për të parë videon e plotë klikoni këtë link

Burini CGTN