Mundësi Chermen Valiev, i cili përfaqësoi Shqipërinë sot në finalen e Botërorit të Mundjes në Zagreb, Kroaci, u shpall nënkampion duke u vlerësuar me medalje të argjendtë.

Në ndeshjen kundër japonezit Kota Takahashi, Valiev humbi 8-2, por gjithsesi arriti t’i siguronte Shqipërisë medaljen e argjendtë në kategorinë 74 kilogramë stil i lirë.

Federata Shqiptare e Mundjes në një postim në rrjetet sociale tha se “në përballjen finale, Chermen Valiev tregoi shpirtin e një kampioni të vërtetë”.

“Pavarësisht një dëmtimi të rëndë në ligament, ai zgjodhi të mos dorëzohej dhe vazhdoi garën me guxim e forcë të jashtëzakonshme. Dhimbja dhe pamundësia fizike nuk e lanë të triumfonte ashtu siç e meritonte, por nuk e ndaluan dot të siguronte një medalje të argjendtë të madhe për Shqipërinë”, vlerësoi Federata.

Valiev ka kaluar me sukses katër përballje të vështira për të arritur në finale, duke treguar nivel të jashtëzakonshëm.

Chermen Valiev në Lojërat Olimpike “Paris 2024” i dha medaljen e bronztë Shqipërisë.

Burimi ATSH