Në zbatim të prioriteteve të programit të tij për zhvillim të qëndrueshëm rajonal, socializim dhe perspektivë evropiane të të rinjve, si dhe për mbështetjen e komuniteteve të diasporës historike bullgare, fondacioni “Kujtesa Bullgare” dhe kryetari i tij Dr. Milen Vrabevski, zbatuan projektin e radhës të rëndësishëm në Bashkinë e Pustecit.

Me kërkesë të Kryetarit të Bashkisë së Pustecit, z. Pale Kolefski, fondacioni financoi një projekt për rinovimin e ndriçimit urban në katër fshatra të bashkisë – Zaroshkë, Gollomboc, Goricë të Madhe dhe Goricë të Vogël. Si pjesë e donacionit, u siguruan 100 llamba të reja rrugore, të cilat do të garantojnë siguri dhe rehati më të madhe për banorët vendas.
Dorëzimi simbolik i donacionit u zhvillua në fshatin Zaroshkë në prani të Ambasadorit të Jashtëzakonshëm dhe Fuqiplotë të Republikës së Bullgarisë në Republikën e Shqipërisë, SH. T. Z. Ivaylo Kirov, Kryetarit të Bashkisë së Pustecit z. Kolefski, Zëvendëskryetarit të Bashkisë z. Jani Nikola dhe përfaqësuesve të fondacionit “Kujtesa Bullgare”.

0

“Ne po e ndjekim në mënyrë konsistente misionin tonë në Bashkinë e Pustecit – mbështesim zhvillimin e qëndrueshëm të rajonit duke krijuar një mjedis më të mirë jetese. Me këtë donacion, jo vetëm që rinovuam ndriçimin e vjetëruar dhe jofunksional në disa fshatra, por gjithashtu siguruam një numër të mjaftueshëm llambash të reja në mënyrë që të gjitha rrugët të mund të ndriçohen. Ne besojmë se përmirësimi i infrastrukturës nuk është vetëm një investim me dobi për njerëzit, por edhe një hap i rëndësishëm në mbajtjen e të rinjve këtu. Është një kënaqësi për ne të punojmë së bashku me autoritetet lokale dhe banorët e Pustecit”, komentuan nga ekipi i fondacionit “Kujtesa Bullgare”.

Ky është donacioni i radhës i madh i kësaj organizate bullgare për banorët e Pustecit. Gjatë viteve të fundit fondacioni siguroi një makinë zjarrfikëse, një autoambulancë dhe një fuoristradë për nevojat e bashkisë, siguroi mobilie, kompjutera dhe fotokopjues për ndërtesën e re të bashkisë për më shumë se 40 punonjës, dhuroi një ambient të vogël mjekësor plotësisht të pajisur për banorët e fshatit Gollomboc, financoi riparimin e sistemit të furnizimit me ujë në fshatin Kallamas etj.

Përveç në përmirësime në infrastrukturë, fondacioni investon edhe në shëndetin e banorëve vendas, duke organizuar për të tretin vit radhazi ekzaminime parandaluese falas për banorët e rajonit të Pustecit. Sivjet do të zhvillohen vizita mjekësore falas nga specialistët më të dalluar bullgarë në 9 fusha të ndryshme mjekësore – kardiologji, mjekësi të brendshme, reumatologji, endokrinologji, neurologji, oftalmologji, mamologji, urologji, ORL dhe dermatologji. Ekzaminimet do të kryhen në periudhën 26-28 shtator dhe 24-26 tetor.