Kryeministri Edi Rama e përshkroi sot Shqipërinë si një “ballkon të hapur mbi Mesdhe”, një muze nën qiell të lirë, ku çdo gur ruan histori dhe çdo rrugë tregon kapituj të trashëgimisë sonë të gjallë.

Ai bëri të ditur se mbi 1 milion vizitorë kanë hyrë gjatë këtij viti në kalatë, muzetë dhe parqet arkeologjike të vendit, duke përjetuar nga afër historinë e pasur shqiptare.

Krahasuar me vitin 2023, numri i vizitorëve është rritur me 58%, ndërsa të ardhurat janë shtuar me 84%, çka sipas tij, është rezultat i miradministrimit.

Në këtë rrugëtim, theksoi Rama, kalatë dhe parqet arkeologjike do të përfshihen në një skemë të re menaxhimi.

Skema parashikon jo vetëm restaurim dhe konservim, por edhe ndërtimin e infrastrukturës bashkëkohore për vizitorët, krijimin e itinerareve të reja kulturore dhe një promovim më të gjerë ndërkombëtar të trashëgimisë shqiptare.