Pas stuhisë së fuqishme që përfshiu vendin të shtunën dhe shkaktoi dëme në rrjetin elektrik në zonën e Gjokajt (Tiranë), punonjësit e OSHEE ndërhynë menjëherë dhe riparuan defektet në kohë rekord.

Operatori i Shpërndarjes së Energjisë Elektrike (OSHEE) njoftoi se sot situata në nivel vendi paraqitet e stabilizuar.

Punimet në zonat e prekura vazhduan edhe gjatë natës së mbrëmshme për të siguruar rikthimin e energjisë tek abonentët.

OSHEE falënderon qytetarët për mirëkuptimin dhe bashkëpunimin e tyre gjatë këtij procesi.

Burimi ATSH