Gjatë ditës së sotme, Drejtoria e Mbrojtjes nga Zjarri dhe Shpëtimit në Bashkinë Kukës u përball me dy vatra zjarri të rrezikshme në zona të ndryshme të rajonit.

Zjarri shpërtheu në Kodër-Lumë, në Njësinë Administrative Shtiqën dhe në Bushat, Njësinë Administrative Bicaj.

Falë angazhimit të menjëhershëm të efektivëve zjarrfikës dhe punonjësve të tjerë, të mbështetur nga banorët e zonës, flakët u neutralizuan dhe u shuan me sukses në kohë rekord, duke mbrojtur jetën, pasurinë dhe mjedisin.

Bashkia Kukës shpreh falënderime të sinqerta për të gjithë ata që morën pjesë në këtë operacion shpëtimi, për guximin dhe përkushtimin e tyre.

Burimi ATSH