Seminari mbi rëndësinë globale të konceptit “Ujërat e kthjellëta dhe malet e gjelbra janë pasuri të paçmueshme” u mbajt në Pekin të enjten, me përfaqësues ndërkombëtarë që vunë në dukje se koncepti, i propozuar nga Presidenti Xi Jinping, ka rëndësi globale dhe pasqyron kontributin e Kinës në zgjidhjen e sfidave mjedisore dhe nxitjen e zhvillimit të qëndrueshëm.

Veprimtaria u zhvillua në prag të 20 vjetorit të paraqitjes së konceptit. Zyrtarë, diplomatë dhe ekspertë vlerësuan rolin e saj në përafrimin e rritjes ekonomike me mbrojtjen ekologjike.

Takimi theksoi se koncepti ka ofruar udhëzime shkencore për zgjidhjen e dilemës së zhvillimit dhe mbrojtjes si edhe për realizimin e bashkëjetesës harmonike midis njeriut dhe natyrës, duke shtuar se është një arritje novatore me karakteristika kineze që përputhet me trendin e zhvillimit dhe udhëheq përparimin e qytetërimit.

Përfaqësuesit ndërkombëtarë në konferencë thanë se koncepti i përket Kinës dhe botës. Ai ofron mençuri dhe zgjidhje kineze për zgjidhjen e problemeve globale ekologjike dhe mjedisore dhe avancimin e zhvillimit të qëndrueshëm global.

Ata bënë thirrje për bashkëpunim më të thellë ndërkombëtar për të promovuar modernizimin miqësor me mjedisin dhe për të ndërtuar së bashku një botë të pastër, të bukur dhe të qëndrueshme.

Në seminar morën pjesë edhe përfaqësues nga agjencitë e OKB-së, ambasadat e huaja në Kinë, organizata ndërkombëtare joqeveritare, universitetet kryesore dhe institutet të studimit politik nga mbarë bota, duke përfshirë Shtetet e Bashkuara, Britaninë e Madhe, Holandën, Belgjikën, Hungarinë, Uzbekistanin, Sri Lankën, Azerbajxhanin dhe Jordaninë.

Xi paraqiti konceptin më 15 gusht 2005, kur ai inspektoi fshatin Yucun në provincën Zhejiang të Kinës lindore, ku ai vlerësoi vendimin e fshatarëve për të mbyllur minierat gëlqerore dhe fabrikat e çimentos pasi industria shkaktoi dëme të rënda në mjedis. Xi ishte atëherë shefi i Partisë në Zhejiang.

Yucun tani është kthyer me sukses në industritë e gjelbra, duke përfshirë turizmin ekologjik, për një zhvillim më të qëndrueshëm, duke ofruar një shembull të shkëlqyer të tranzicionit të gjelbër që po ndodh në mbarë vendin.

Burimi CGTN