Kryetarja e Kuvendit, Elisa Spiropali priti sot në një takim ambasadorin e ri të Mbretërisë së Spanjës në vendin tonë, Gabriel Cremades Ventura.

Kryeparlamentarja Spiropali i përcolli ambasadorit Ventura, urimet më të mira për misionin e tij në Shqipëri, ndërsa theksoi se “intensifikimi i diplomacisë parlamentare është thelbësor për forcimin e bashkëpunimit të gjithanshëm dypalësh”.

Kryetarja e Parlamentit tha se Spanja mbetet një mbështetëse e çmuar në rrugëtimin evropian të Shqipërisë, ndërsa konfirmoi mbështetjen për objektivin strategjik kombëtar të Shqipërisë për anëtarësim në BE brenda 2030.

Burimi ATSH