Ministri i Mbrojtjes, Pirro Vengu zhvilloi sot një takim me ministrin italian të Mbrojtjes, Guido Crosetto, në kuadër të takimit të ministrave të Mbrojtjes së NATO-s në Bruksel.

Përmes një postimi në rrjetet sociale ministri Crosetto, informoi mbi temat e diskutuara në këtë takim, ku dy homologët ndanë pikëpamjet mbi çështje me interes të përbashkët, përfshirë bashkëpunimin në sektorin e mbrojtjes.

Ministri Crosetto bëri të ditur se vëmendje të veçantë në takim pati industria e mbrojtjes dhe sektori i sigurisë rajonale.

“Harmoni e plotë dhe dëshirë e përbashkët për të forcuar një bashkëpunim tashmë të fortë dhe thelbësor për t’u përballur së bashku me sfidat globale”, tha ministri italian i Mbrojtjes, Guido Crosetto.

Burimi ATSH