Kryeministrja italiane, Giorgia Meloni mirëpriti homologun e saj francez, Emmanuel Macron në Romë me një shtrëngim të fortë duarsh, një takim që shumë e interpretuan si një shenjë të afrimit diplomatik.

Takimi në Palazzo Chigi, selinë e qeverisë italiane, u konsiderua si një rivendosje diplomatike midis Parisit dhe Romës, edhe pse të dyja palët theksuan se nuk kishte pasur kurrë një periudhë të ftohtë.

Udhëheqësja e partisë së ekstremit të djathtë, ”Vëllezërit e Italisë”, tha javën e kaluar se ata kanë shumë të përbashkëta, por edhe dallime.