Qeveria miratoi sot disa ndryshime në marrëveshjen me agjencisë gjermane për bashkëpunim ndërkombëtar GIZ, për mbështetjen e negociatave të anëtarësimit në BE.

Këshilli i Ministrave ka miratuar marrëveshjen ndryshuese nr. 1 të marrëveshjes së zbatimit ndërmjet Ministrisë së Ekonomisë dhe Inovacionit dhe agjencisë gjermane për bashkëpunim ndërkombëtar GIZ, në kuadër të projektit për mbështetjen e negociatave të anëtarësimit të Shqipërisë në Bashkimin Evropian në sektorin ekonomik (SANECA II).

Vendimi parashikon miratimin e ndryshimeve në marrëveshjen e zbatimit nr. II, të lidhur ndërmjet Këshillit të Ministrave të Shqipërisë, të përfaqësuar nga Ministria e Ekonomisë dhe Inovacionit, dhe Deutsche Gesellschaft für Internationale Zusammenarbeit (GIZ) GmbH, në cilësinë e përfaqësueses së qeverisë gjermane dhe agjencisë zbatuese.

Projekti SANECA II synon të mbështesë Shqipërinë në procesin e negociatave për anëtarësim në Bashkimin Evropian, me fokus të veçantë sektorin ekonomik.

Marrëveshja fillestare është miratuar me vendimin nr. 514, datë 30 qershor 2026, të Këshillit të Ministrave.

Sipas vendimit të miratuar, marrëveshja ndryshuese i bashkëlidhet aktit dhe vendimi hyn në fuqi menjëherë, duke u botuar në Fletoren Zyrtare.

Burimi ATSH