Shqipërinë dhe Gjermaninë i lidh një partneritet i ngushtë – dypalësh edhe në kuadër të aleancës së NATO-s.

Ambasada gjermane në Tiranë përkujtoi sot 70-vjetorin e anëtarësimit të Gjermanisë në NATO.

“Prej 70 vitesh, Gjermania qëndron fort përkrah partnerëve të saj në NATO. Kur një agresor kërcënon lirinë dhe sigurinë tonë, ne përballemi së bashku me partnerët tanë të NATO-s. Që nga hyrja jonë në aleancën e mbrojtjes para 70 vitesh, bota ka ndryshuar, dhe me të edhe natyra e kërcënimeve – me vizion strategjik dhe zhvillime teknologjike, ne mbetemi të përgatitur. Gjermania investon në një NATO të orientuar drejt së ardhmes, që ruan aftësinë për të vepruar”, thekson ambasada gjermane.

“Këtë vit, Shqipëria festoi 16-vjetorin e anëtarësimit të saj në NATO. Shqipërinë dhe Gjermaninë i lidh një partneritet i ngushtë – dypalësh dhe në kuadër të aleancës”, nënvizon ambasada gjermane.

Burimi ATSH