Kryeministri, njëkohësisht kryetar i Partisë Socialiste, Edi Rama u bëri apel sot sërish qytetarëve të votojnë Partinë Socialiste në zgjedhjet e 11 majit.

Rama ndau në rrjetet sociale imazhin e krahut të shqiponjës të formuar nga disa duar, ndërkohë që dora është simboli i zgjedhur nga Partia Socialiste për të treguar renditjen në vendin e pestë në listën e subjekteve politike që garojnë për zgjedhjet e 11 majit.

Kryeministri u kërkoi qytetarëve që t’i bashkohen PS-së që Shqipëria të shkojë drejt anëtarësimit në BE.

“Voto 5! Me ty, mua dhe Partinë Socialiste bëhemi më shumë e sa më shumë të bëhemi më 11 maj, aq më i madh bëhet krahu i shqiponjës në ngjitjen drejt majës së Shqipërisë 2030 në BE”, shkruan Rama.

Burimi ATSH