Ministrja e Shtetit për Sipërmarrjen dhe Klimën e Biznesit, Delina Ibrahimaj, gjatë një tryeze të hapur me bizneset në Elbasan, diskutuan për nxitjen e bashkëpunimit në projektet zhvillimore të qeverisë.

Të pranishëm në këtë takim, ishin edhe ministri i Shtetit për Pushtetin Vendor, Arbjan Mazniku dhe kryetari i Bashkisë Elbasan, Gledian Llatja.

Gjatë fjalës së saj, Ibrahimaj u ndal në prezantimin e projekteve zhvillimore të qeverisë që i vijnë në ndihmë biznesit dhe zhvillimit të ekonomisë lokale.

“Ky dialog i hapur na ndihmon të ndërtojmë politika të qëndrueshme dhe të përmirësojmë klimën e biznesit, duke u angazhuar së bashku për të mbështetur sipërmarrjen dhe zhvillimin ekonomik”, tha Ibrahimaj.

Burimi ATSH