Ministrja e Shëndetësisë dhe Mbrojtjes Sociale, Albana Koçiu mori pjesë sot në panelin e organizuar nga programi “Rays of Hope” i Agjencisë Ndërkombëtare të Energjisë Bërthamore (IAEA), ku u theksua rëndësia e bashkëpunimit për përmirësimin e kujdesit shëndetësor.

Në një postim në rrjetet sociale, Koçiu informoi mbi përfitimet e vendit tonë nga programi “Rays of Hope” të IAEA-s.

Koçiu theksoi se në kuadër të këtij programi “Shqipëria ka përfituar e do të vijojë të përfitojë pajisje me teknologji të avancuar, trajnime për personelin shëndetësor dhe mbështetje për aplikimin e inovacioneve dhe inteligjencës artificiale në mjekësi”.

“Bashkë vijojmë punën për të ndërtuar një të ardhme më të shëndetshme për qytetarët tanë”, u shpreh Koçiu.

Ministrja e Shëndetësisë dhe Mbrojtjes Sociale, Albana Koçiu po merr pjesë në Ministerialin “Shkenca, teknologjia, aplikacionet bërthamore dhe Programi i Bashkëpunimit Teknik”, organizuar nga Agjencia Ndërkombëtare e Energjisë Atomike (IAEA) me fokus disa nga sfidat më urgjente globale si, ndryshimet klimatike, siguria ushqimore dhe shëndetësia.