E Ngarkuara me Punë Nancy VanHorn është takuar sot me kryetarin e Gjykatës së Lartë, Sokol Sadushi si dhe me kryetarët e Kolegjeve Penale dhe Civile të Gjykatës së Lartë, Ilir Panda dhe Artur Kalaja.

Në një postim të shpërndarë nga Ambasada Amerikane në rrjetet sociale bëhet me dije se Vanhorn, ka përsëritur angazhimin e Shteteve të Bashkuara për të mbështetur Gjykatën e Lartë në përparimin e mëtejshëm të shtetit të së drejtës në Shqipëri.

Po ashtu VanHorn ka “përgëzuar Gjykatën për progresin e saj të dukshëm në reduktimin e çështjeve të prapambetura, duke e nxitur të vazhdojë ushtrimin e funksioneve të saj me integritet dhe profesionalizëm”.

Burimi: ATSH