Rikthehet shfaqje teatrale “Goodbye, Lindita”, në Teatrin Kombëtar të Greqisë, e artistit të ri shqiptar Mario Banushi, njëherësh edhe aktor.

Ambasadorja e Shqipërisë në Greqi, znj. Luela Hajdaraga, e cila ndoqi me shumë interes shfaqjen, shprehu vlerësim të thellë për punën artistike të regjisorit dhe për performancën mbresëlënëse.

POSTIMI I AMBASADËS SHQIPTARE

Ambasada e Republikës së Shqipërisë në Greqi ka kënaqësinë të njoftojë rikthimin e shfaqjes teatrale “Goodbye, Lindita” 🎭 në Teatrin Kombëtar të Greqisë, të artistit të ri shqiptar Mario Banushi.

👉🏻 Regjisori dhe aktori Mario Banushi frymëzohet nga e kaluara e Ballkanit, nga zakonet dhe traditat mortore të shumë vendeve për të krijuar një shfaqje me fokus humbjen, duke e kthyer në një përrallë moderne, një parabolë për jetën pas vdekjes së një personi të dashur.

📌Ambasadorja e Shqipërisë në Greqi, znj. Luela Hajdaraga, e cila ndoqi me shumë interes shfaqjen, shprehu vlerësim të thellë për punën artistike të regjisorit dhe për performancën mbresëlënëse 👏🏻, duke nënvizuar rëndësinë e promovimit të kulturës shqiptare në arenën ndërkombëtare.

✔️ “Goodbye, Lindita”, duke filluar nga data 16 tetor 2024, do të shfaqet në skenën qëndrore të Teatrit Kombëtar të Greqisë (Adresa: Agiou Konstantinou 22, Athinë).

ℹ️ Për më shumë informacion mbi shfaqjet, mund të vizitoni faqen zyrtare: https://www.n-t.gr/el/events/goodbye_Lindita_epanalipsi