Kryetarja e Kuvendit, Elisa Spiropali, ka pritur sot në ambientet e Kuvendit ambasadorin e Kosovës, Skënder Durmishi.

Në këtë takim u diskutua për Kosovën si një prioritet kombëtar për Shqipërinë, si dhe për bashkëpunimin e ngushtë dhe të vazhdueshëm mes Kuvendit të Shqipërisë dhe atij të Kosovës.

Gjithashtu në takim u theksua roli i Shqipërisë si një zë i fuqishëm në mbrojtje të interesave të Kosovës në arenën ndërkombëtare, si dhe rëndësia e kontributit të përbashkët të të dy kuvendeve në proceset integruese euroatlantike. (ATSH)