Vullneti i përbashkët i një ati dhe birit

Xi Zhongxun-i, babai i presidentit kinez Xi Jinping ishte një nga pionierët dhe themeluesit e reformës dhe hapjes me botën e jashtme të provincës Guangdong.


Xi Zhongxun-i, babai i presidentit kinez Xi Jinping ishte një nga pionierët dhe themeluesit e reformës dhe hapjes me botën e jashtme të provincës Guangdong.


Xi Jinping(i pari nga e majta) me vëlla të vogël dhe të atin Xi Zhongxun(i pari nga e djathta)

Në dhjetor të vitit 1978, plenumi i 3-të i Komitetit Qendror të 11-të të PKK-së mori vendim për t’u fokusuar në zhvillimin ekonomik dhe zbatimin e politikës së reformës e të hapjes me botën e jashtme duke hapur periudhën e re të reformës e hapjes dhe të ndërtimit të modernizimit socialist.

Në një mbledhje qendrore të zhvilluar pas disa muajve, sekretari i parë i Komitetit të Partisë të Provincës Guangdong Xi Zhongxun i propozoi Komitetit Qendror t’i japë provincës Guangdong më shumë autonomi për reformën dhe hapjen. “Guangdong-u gjendet afër Hong-Kongut e Makaos dhe ka kushte të favorshme për zhvillimin e shkëmbimeve ekonomike e teknologjike të jashtme,” propozoi Xi Zhongxun-i.


Xi Jinping i ri me të atin Xi Zhongxun

Propozimet e reformës të paraqitura prej tij gjetën përkrahjen e qeverisë qendrore kineze. Në mars të vitit 1979 u krijua qyteti Shenzhen. Në gusht të një viti më pas u themeluan 4 rajone të posaçme ekonomike: Shenzhen-i, Zhuhai, Shantou e Xiamen-i.

Gjatë dy vjetëve në Guangdong, Xi Zhongxun-i bëri shumë punë të rëndësishme, duke përfshirë rregullimin e strukturës ekonomike rurale, zhvillimin e kulturave bujqësore, blegtorisë e peshkimit, zhvillimin e përpunimit të produkteve bujqësore, zhvillimin e tregtisë kufitare, tërheqjen e investimeve nga Hong-Kongu etj. Këto masa hodhën bazën për përparimin e provincës Guangdong në reformën dhe hapjen me botën e jashtme.

Praktika e Xi Zhongxun-it në Guangdong ka ushtruar ndikim të thellë mbi Xi Jinping-un.


Xi Jinping gjatë një vizite në zonat e prekura nga varfëria

Në vitin 1982, Xi Jinping-u shkoi për të punuar në kontenë Zhengding të provincës Hebei. Përballë mungesës së talenteve tekniko-shkencore, Xi Jinping-u paraqiti 9 masa për tërheqjen e talenteve. Këto masa përfshinin reformën e sistemit të shpërndarjes, të sistemit të personelit, të politikës së ushqimit, të regjistrimit familjar etj., dhe ishin pioniere atë kohë.

Gjatë punës në provincën Fujian, Xi Jinping-u paraqiti “përvojën e Jinjiang-ut” për zhvillimin ekonomik të konteve, thjeshtimin e procedurave dhe delegimin e kompetencave, reformën e sistemit të të drejtave pyjore etj.


Xi Jinping mbjell një pemë në parkun Lianhuashan pas vendosjes së shportës me lule para statujës së  Ten Hsiaopin-it, qytet Shenzhen, Kinë Jugore

Gjatë punës në provincës Zhejiang, Xi Jinping-u shpalli “strategjinë 8+8”, kurse në Shangai ai punoi për nxitjen e integrimit të Deltës së Lumit Jance.

Pasi u zgjodh kreu i shtetit, Xi Jinping-u ka theksuar që, për përballimin e një sërë problemesh e sfidash të tanishme, duhet të thellohet reforma, dhe reforma kërkon këmbëngulje e guxim. Sipas një studiuesi amerikan, ky vullnet pasqyrohet në luftën kundër korrupsionit, qeverisjen e vendit sipas ligjit, luftën për shkëputjen nga varfëria, ristrukturimin e ushtrisë, rregullimin e institucioneve partiake e qeveritare etj.

Burimi: CRI.CN

Lexo më shumë nga

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA

Global 360

CNN zbulon prapaskenën e tërheqjes së Biden

Vendimi përfundimtar i Presidentit Joe Biden për t’u larguar nga gara u mor në 48 orët e fundit

Diplovista

Rakipi: Bisedimet Kosovë-Serbi të përqendrohen tek njohja, jo më në çështje teknike

Kryetari i Institutit për Studime Ndërkombëtare Albert Rakipi thotë se ka ardhur koha për një qasje tjetër në dialogun mes…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lamtumirë mjeshtër!

Tani më shumë se kurrë ka zënë vendin e tij në panteonin e letrave botërore.

Profil

Një emër i njohur i elitës intelektuale dhe politike të çerekshekullit të fundit

75-vjetori I lindjes -- Rrugëtimi i Z. Koçi Tahiri nga galeritë e Bulqizës në sallën e legjislativit shqiptar (2017-2021)

Masmedia

CNN: “Bond Tower” – rrokaqielli i frymëzuar nga baleti së shpejti në Tiranë

Bond Tower, do të jetë një ndërtesë banimi dhe hotel 50-katëshe, i projektuar nga kompania portugeze e arkitekturës OODA