Duartrokitje të mëdha nga e gjithë Arena e Veronas, në këmbë të gjithë pas përqafimit të Papa Françeskut me dy familiarët e viktimave të konfliktit izraelito- palestinez.

“Mendoj se nuk ka nevojë të thuhet asgjë”, komentoi Papa.

“Unë besoj se përballë vuajtjes së këtyre dy vëllezërve, që është vuajtja e dy popujve, nuk mund të thuhet asgjë. Ata patën guximin të përqafoheshin me njëri-tjetrin. Dhe ky nuk është vetëm guxim, por është dëshmi e dëshirës së paqes duke përqafuar njëri-tjetrin”, theksoi Papa.

“Të dy kanë humbur anëtarë të familjes. Familja është shpërbërë nga kjo luftë. Ç’dobi ka lufta? Të lutemi për t’i dhënë fund këtyre luftërave”, shtoi Papa.

“Le të mendojmë për fëmijët në këtë luftë në shumë luftëra, çfarë të ardhme do të kenë ata? Fëmijët ukrainas që vijnë në Romë nuk dinë të buzëqeshin. Fëmijët në luftë humbasin buzëqeshjen’’, theksoi Ati i Shenjtë.