Gjatë vizitës shtetërore të Presidentit të Kinës Xi Jinping në Serbi, më 7 maj, sipas kohës lokale, CMG zhvilloi me Radio Televizion e Serbisë (RTS) në Beograd aktivitetin e shkëmbimeve kulturore-njerëzore. Presidenti i Serbisë, Aleksandar Vučić, mbajti një fjalim me video, duke i uruar sukses të plotë aktivitetit.

Zv/Kryeministri i Serbisë Aleksandar Vulin u shpreh se për më shumë se 60 vjet, popujt e të dy vendeve kanë ndërtuar një miqësi të thellë që zgjatet përmes kohës. Shkëmbimet njerëzore janë një burim i vazhdueshëm për thellimin e marrëdhënieve midis dy vendeve, si edhe një lidhje kyçe që bashkon popujt. Serbia është e gatshme të thellojë më tej shkëmbimet dhe bashkëpunimin me Grupin Mediatik të Kinës (CMG) dhe mediat e tjera, të rrëfejë historinë me përfitime të përbashkëta dhe miqësinë e thellë ndërmjet popujve, të ruajë një zhvillim të shëndoshë të partneritetit të gjithanshëm strategjik mes Serbisë dhe Kinës.

Në fjalimin e mbajtur, Presidenti i CMG-së z. Shen Haixiong tha se vitet e fundit, CMG ka bashkëpunuar me disa media kryesore serbe për të prodhuar dhe transmetuar dokumentarë. Ka zhvilluar aktivitete mediatike si “Stina e Imazheve Kineze” në Serbi. Në të ardhmen, CMG synon të zgjerojë më tej shkëmbimet kulturore mes dy vendeve dhe të shtojë forcën për ndërtimin e një bashkësie me fate të përbashkëta njerëzore.

Në këtë aktivitet, u deklaruan dhe xhirimet për dokumentarët “Simfonia e Gjelbër” dhe “Këngë Përshëndetëse”, të bashkëprodhuar nga CMG dhe RTS, të cilët do të përshkruajnë rrugën e harmonisë së zhvillimit të gjelbër dhe do të paraqesin një të ardhme të bukur të bashkëpunimit.

Për të thelluar më tej bashkëpunimin praktik, CMG nënshkroi dhe shkëmbeu një Memorandum Mirëkuptimi me Agjencinë Turistike të Serbisë. Të dyja palët do të bashkëpunojnë në bashkëprodhimin e programeve, planifikimin e projekteve dhe organizimin e aktiviteteve promovuese, duke nxitur përhapjen e gjerë të kulturës dhe turizmit të të dyja vendeve, duke promovuar njohjen dhe afrimin e popujve të tyre.

Gjatë aktivitetit, u prezantua gjithashtu pulla postare me temën “Miqtë vijnë nga larg”.

Burimi: CRI.CN