Ambasada e Greqisë në Shqipëri festoi 203-vjetorin e Revolucionit Grek të 1821-shit.

“Një ngjarje që mbetet më aktuale se kurrë dhe është simbol i përjetshëm i një kombi për të fituar Pavarësinë, Lirinë dhe Entitetin e tij shtetëror”, e cilëso ambasadorja Konstantina Kamitsi.

Morën pjesë edhe Presidenti i Republikës së Shqipërisë, Bajram Begaj, si dhe të ftuar nga diplomacia, politika, religjionet, etj.

POSTIMI I AMBASADËS GREKE

Dje nderuam 203 vjetorin e Revolucionit Grek 🇬🇷 të 1821-shit, “një ngjarje që mbetet më aktuale se kurrë dhe është simbol i përjetshëm i një kombi për të fituar Pavarësinë, Lirinë dhe Entitetin e tij shtetëror”, siç theksoi në fjalën e saj Ambasadorja e Greqisë, znj. Konstantina Kamitsi.

Ambasada e 🇬🇷 në 🇦🇱 organizoi koncert të Orkestrës Popullore të Mikis Theodorakis në Qendrën Kulturore të Katedrales Orthodhokse të Tiranës, me Orkestrën dhe interpretuesit Vasilis Lekka dhe Saveria Margiola duke na dhuruar momente të paharrueshme.

Presidenti i Republikës së 🇦🇱 z. Bajram Begaj nderoi me praninë e tij pritjen që pasoi, e cila u organizua nga ambasadorja e Greqisë dhe ku morën pjesë përfaqësues të trupit diplomatik, zyrtarë shqiptarë, biznesmenë dhe artistë.

Falenderojmë përzemërsisht të gjithë kontribuesit e të dy eventeve dhe veçanërisht të gjithë miqtë që na nderuan me praninë e tyre, duke treguar me vepra dashurinë e tyre për Greqinë dhe rëndësinë që i kushtojnë miqësisë së dy popujve fqinjë, grek dhe shqiptar.