Ministri i Shtetit për Pushtetin Vendor, Arbjan Mazniku përcolli në rrjetet sociale pamje nga punimet për rijetësimin e Kalasë së Pogradecit, që pritet të jetë një tjetër atraksion turistik gjithëvjetor për qytetin liqenor.

Sipas Maznikut, projekti financohet nga projekti IPA ndërkufitar Maqedoni e Veriut-Shqipëri.

“Në Pogradec ka nisur zbatimi i projektit për rijetësimin e Kalasë së Pogradecit, një vendbanim i cili daton në shek IV-V para Krishitit”, shkruan Mazniku.

“Projekti i cili financohet nga projekti IPA ndërkufitar Maqedoni e Veriut-Shqipëri. Punimet përfshijnë gërmime arkeologjike për zbulimin e mureve të kalasë dhe objekteve arkeologjike, ndërtimin e një muzeu arkeologjik, ballkon panoramik për vizitorët, ndriçimin e gjithë zonës dhe përmirësimin e infrastrukturës rrugore për aksesimin e këtij siti. Me përfundimin e punimeve, Pogradecit i shtohet një tjetër atraksion turistik gjithëvjetor”, përfundon Mazniku.