Nikolla: Marrëdhëniet mes Shqipërisë dhe Gjermanisë mbështeten në vlerat e besimit dhe bashkëpunimit

Kryetarja e Kuvendit priti anëtarët e Grupit Parlamentar të Bundestagut për Evropën Juglindore, deputetët Thomas Hacker dhe Stephan Brandner


Kryetarja e Kuvendit, Lindita Nikolla priti sot anëtarët e Grupit Parlamentar të Bundestagut për Evropën Juglindore, deputetët Thomas Hacker dhe Stephan Brandner, të shoqëruar nga ambasadori i Gjermanisë, Karl Bergner.

Kryetarja Nikolla nënvizoi se “Gjermania është mbështetëse e fuqishme e Shqipërisë dhe Bundestagu një referencë e rëndësishme, partner dhe mbështetës shumë i vlerësuar i Kuvendit të Shqipërisë. Berlini është jo thjesht destinacioni më i shpeshtë, por një nga destinacionet më të rëndësishme dhe më inspiruese për drejtuesit e qeverisë dhe institucioneve të Shqipërisë. Shqipëria i është mirënjohëse Gjermanisë për mbështetjen e rrugëtimit europian dhe kjo ndihmë do të vijojë edhe gjatë negociatave. Kryesimi nga Shqipëria i Procesit të Berlinit përgjatë vitit 2023 rikonfirmoi kontributin e Shqipërisë si faktor stabiliteti dhe evropianizimi në rajon, por edhe mbështetjen e shumicës së vendeve të rajonit për aspiratën tonë të përbashkët drejt familjes evropiane. Vizitat e kohëve të fundit në Bundestag dhe në parlamentet e disa landeve ishin një shtysë e fuqishme për bashkëpunimin parlamentar”.

Deputetët e Bundestagut, Thomas Hacker dhe Stephan Brandner, vlerësuan se marrëdhëniet dypalëshe mes Gjermanisë dhe Shqipërisë mbështeten në vlerat e respektit, besimit dhe bashkëpunimit dhe bashkëpunimi dypalësh mes dy vendeve si edhe mes Bundestagut dhe Kuvendit do të vijë duke u zgjeruar. Shqipëria duhet të jetë krenare për arritjen në rrugën drejt BE-së dhe për këtë mbështetja e Gjermanisë dhe e Bundestagut do të vijojë të rritet.

Kryetarja Nikolla dhe deputetët e Bundestagut diskutuan edhe mbi rritjen e bashkëpunimit midis Kuvendit dhe Bundestagut, duke vlerësuar si domethënës faktin që është rënë dakord për zhvillimin reciprok të vizitave informuese mes deputetëve shqiptarë e gjermanë të Grupeve të Miqësisë, në Berlin dhe Tiranë, dy herë në vit.

Në përgjigje të kërkesës së Kryetares Nikolla, Hacker dhe Brandner u angazhuan se Bundestagu do të ndihmojë Kuvendin për modernizmin e shërbimeve parlamentare, sidomos atyre që lidhen me mbështetjen e procesit të integrimit europian

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra

Global 360

Rezoluta e PE: Mungesa e suksesit në dialogun Kosovë-Serbi dëmton besueshmërinë e BE-së

PE-ja i bëri thirrje Bashkimit Evropian që ta ndryshojë qasjen në dialog, në mënyrë që të ketë përparim.

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

“La dolce vita”, një kontrapunkt aktual edhe i shoqërisë sonë

Një botë kukullash, një botë teatri. Botë që duket në dritë, po që s'ka më dritë.

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Katër marrëveshjet e arritura në Samitin Ballkani Perëndimor-BE

Na ulja e kostove të transaksioneve bankare te korsitë e gjelbra