Kryetari i grupit parlamentar të Partisë Socialiste, Bledi Çuçi u shpreh sot se nuk mund të na kushtëzojë asgjë për të realizuar reformën e madhe të Shqipërisë, Reformën në Drejtësi.

Në një prononcim për medie, Çuçi u shpreh se dje në samitin BE-Ballkani Perëndimor kishte një deklaratë të përgjithshme për të gjitha vendet e Ballkanit Perëndimor dhe do të merret një vendim në mbledhjen e ardhshme të KE-së.

Sipas tij, “kjo është çështje e Athinës, nuk është çështje e Shqipërisë”.

“Ne e kemi bërë shumë të qartë qëndrimin tonë në lidhje me drejtësinë e re. Nuk mund të na kushtëzojë asgjë për të realizuar reformën e madhe të Shqipërisë”, tha ai.

I pyetur mbi vendimin e Gjykatës Kushtetuese për pezullimin e marrëveshjes me Italinë për migrantët, Çuçi tha se kjo është e drejtë e tyre dhe ne e zbatuam vendimin e Gjykatës Kushtetuese pa diskutim duke e hequr nga rendi i ditës.

“Por ne i qëndrojmë kësaj marrëveshjeje pasi është shumë e rëndësishme për të treguar se ne jemi vend europian”, tha ai. (ATSH)