Muzeu i Artit Mesjetar, në proces restaurimi ikona “Krishti i Gjithpushtetshëm”
Ministrja e Kulturës, Elva Margariti publikoi sot një video nga puna për restaurimin e një ikone të rëndësishme të Muzeut të Artit Mesjetar.
TDMinistrja e Kulturës, Elva Margariti publikoi sot një video nga puna për restaurimin e një ikone të rëndësishme të Muzeut të Artit Mesjetar. Bëhet fjalë për ikonën “Krishti i Gjithpushtetshëm” (Pantokrator) IN 2210, me origjinë nga kisha e Shën Marisë, Stratobërdhë, Korçë.
“Në laboratorin e restaurimit të Muzeu i Artit Mesjetar puna për restaurimin dhe konservimin nuk ndalon”, shkruan ministrja Margariti.
Ikona “Krishti i Gjithpushtetshëm” është pikturuar në vitin 1761 nga Konstandin Zografi. Në të parqitet Krishti Pantokrator me një himation ngjyrë të gjelbër të errët dhe hiton të kuq. Në dorën e majtë mban një ungjill të hapur dhe me dorën e djathtë bën gjestin e bekimit. Koka e Krishtit rrethohet nga një aureole e realizuar me puntim dhe kryqi me shkronjat janë pikturuar me ngjyrë të kuqe. Nënpikturimi i pjesëve të mishta është bërë me tone të errëta dhe lëkura me okra të ngrohta. Gjithë kuadri është pikturuar me mjeshtëri të lartë artistike.
Deri në përfundim të proçesit të restaurimit do të plotësohet edhe me më shumë informacion mbi këtë vepër nga studiuesit e MKAM.
Aktualisht janë duke u trajtuar 7 vepra nga specialistët restauratorë.
?? Në laboratorin e restaurimit të Muzeu i Artit Mesjetar puna për restaurimin dhe konservimin nuk ndalon!
Aktualisht janë duke u trajtuar 7 vepra nga specialistët restauratore.“Krishti i Gjithpushtetshëm”
(Pantokrator)IN 2210,
me origjinë nga kisha e Shën Marisë , Stratobërdhë, Korçë.
Ikona është pikturuar në vitin 1761 nga Konstandin Zografi. Në të parqitet Krishti Pantokrator me një himation ngjyrë të gjelbër të errët dhe hiton të kuq. Në dorën e majtë mban një ungjill të hapur dhe me dorën e djathtë bën gjestin e bekimit. Koka e Krishtit rrethohet nga një aureole e realizuar me puntim dhe kryqi me shkronjat janë pikturuar me ngjyrë të kuqe. Nënpikturimi i pjesëve të mishta është bërë me tone të errëta dhe lëkura me okra të ngrohta. Gjithë kuadri është pikturuar me mjeshtëri të lartë artistike.Deri në përfundim të proçesit të restaurimit do të plotësohet edhe me më shumë informacion mbi këtë vepër nga studiuesit e MKAM.
#MuzeuKombetariArtitMesjetar
#MuzeuiArtitMesjetar
#nationalmuseumofmedievalart
#museum
#treasuremuseum
#MbiARTINMESJETAR
#LaboratoriirestaurimitMKAM
#ThesareNgaMuzetë
#postbyzantineart
#iconography
#MinistriaeKulturësPosted by Elva Margariti on Friday, October 20, 2023
Më shumë lajme
