Presidenti Bajram Begaj përkujtoi sot 22-vjetorin e 11 Shtatorit, ngjarjes tragjike që ndryshoi botën.

“Sot ndalemi për të kujtuar ngjarjet tragjike të 11 Shtatorit. Qëndrojmë në solidaritet me Shtetet e Bashkuara, duke nderuar jetët e humbura atë ditë. Lufta ndaj terrorizmit na bashkon, duke forcuar vendosmërinë tonë për paqe dhe siguri”, shkroi Begaj në rrjetet sociale.

Mëngjesin e 11 shtatorit të vitit 2001, 19 terroristë Islamikë të Al Qaeda-s, morën peng 4 avionë pasagjerësh të nisur nga Boston, Nju-Jork dhe Uashington dhe i përdorën ato si raketa gjigante për të sulmuar godina simbolike në SHBA.

2 kullat ikonë të Nju-Jorkut u rrëzuan, Pentagoni u dëmtua rëndë. Rreth 3000 persona humbën jetën gjatë sulmeve në Nju-Jork, Pentagon dhe në Pensilvani.